Միացի՛ր իրավական հետազոտությունների և մարդու իրավունքների պաշտպանության մեխանիզմների դպրոցին

Մարդու իրավունքների հետազոտությունների կենտրոնը (ՄԻՀԿ)` Հայաստանում Ֆրանսիական համալսարանի (ՀՖՀՀ) հետ համագործացությամբ և Ժողովրդավարության եվրոպական հիմնադրամի (EED) աջակցությամբ, կազմակերպում է «Իրավական հետազոտություններ և մարդու իրավունքների պաշտպանության մեխանիզմներ» խորագրով երեկոյան դպրոցի երրորդ շրջափուլը։

ՄԻՀԿ և ՀՖՀՀ կողմից համատեղ իրականացվող Երեկոյան դպրոցի նպատակն է ուսանողների և երիտասարդ մասնագետների շրջանում մարդու իրավունքների միջազգային նորմերի վերաբերյալ տեղեկացվածության բարձրացումը և մարդու իրավունքների ոլորտի հետազոտություններ իրականցնելու հմտությունների զարգացումը:

Երեկոյան դպրոցը ներառում է թեմաների համապարփակ շրջանակ, որը տրամադրում է հետազոտական և իրավապաշտպան գործունեությամբ զբաղվելու համար անհրաժեշտ գիտելիքներ։

Երեկոյան դպրոցը հիանալի հնարավորություն է ծանոթանալ Հայաստանում մարդու իրավունքների հիմնահարցերով զբաղվող առաջատար մասնագետների հետ և ընդլայնել մարդու իրավունքների ոլորտում հետագա համագործակցությունների հնարավորությունները։

Ծրագրին կարող են դիմել բակալավրի չորրորդ կուրսում (այդ թվում՝ երրորդ կուրսն ավարտող և չորրորդ տեղափոխվող), մագիստրոսական և ասպիրանտական ծրագրերում սովորող ուսանողներ և նորավարտ մասնգետներ։ Հետազոտական աշխատանքների իրականացման փորձը կամ հետաքրքրվածությունը կդիտվի որպես առավելություն։

Երեկոյան դպրոցի ունկնդիրներ կարող են լինել ակադեմիական և մասնագիտական տարբեր ուղղվածություններ ունեցող անձինք՝ իրավաբաններ, սոցիոլոգներ, լրագրողներ, տնտեսագետներ, բժիշկներ, կրթական ոլորտի մասնագետներ և այլն։

Երեկոյան երկրորդ դպրոցում դասավանդելու են մարդու իրավունքների ոլորտի առաջատար մասնագետներ՝ հետազոտողներ և իրավաբաններ։

Դասընթացներն իրականացվելու են հետևյալ թեմատիկ ուղղություններով՝

• Հետազոտությունների իրականացում և հետազոտահենք իրավապաշտպան գործունեություն։

• Մարդու իրավունքների պաշտպանության միջազգային և տարածաշրջանային գործիքների ուսումնասիրում։

• Մարդու իրավունքների պաշտպանության մասնավոր համատեքստերի ուսումնասիրում։

Հայտերի ընդունումը մինչև  մայիսի 22-ը ներառյալ, մինչև ժամը 12:oo PM (GMT+4)։

Դպրոցի տևողությունը՝ մայիսի 29-ից - հունիսի 21-ը։

Աշխատանքային լեզուներ՝ հայերեն և անգլերեն։

Դպրոցին մասնակցությունն անվճար է։

Ծրագրի ավարտին կտրվի մասնակցության վկայական։

Դիմելու համար անհրաժեշտ է լրացնել հետևյալ

ՀԱՅՏԸ

«Երեկոյան դպրոցը» Մարդու իրավունքների հետազոտությունների կենտրոնի շարունակական նախաձեռնությունն է, որն իրականացնում ենք մեր ակադեմիական գործընկերի հետ ջանքերի համատեղմամբ։ Մանրամասներին կարող եք ծանոթանալ այստեղ։

ՄԻՀԿ-ի համագործակցությունը ակադեմիական հաստատությունների հետ իրականացվում է Ժողովրդավարության եվրոպական հիմնադրամի (EED) աջակցությամբ։